தமிழ் அறிவகம்

3371. நாஞ்சில் எனப்படுவது?     ஒரு மலை  3372. நாஞ்சில் நாடு எனப்படுவது?      நாஞ்சில் மலையை தன்னகத்தே உடைய நிலப்பகுதி  3373. தமிழ்நாட்டில் பெட்ரோலியம் பெருவாரியாக கிடைக்கும் மாவட்டம்?      நாகப்பட்டினம்  3374. தென்னிந்திய காஷ்மீர் எனப்படும் மலைப்பகுதி?      மூணார்  3375. குற்றாலத்தில் மொத்தம் எத்தனை அருவிகள் உள்ளன?      ஒன்பது  [குற்றாலத்தில் மொத்தம் ஒன்பது அருவிகள் அமைந்துள்ளன. அவையாவன, பேரருவி, ஐந்தருவி, சிற்றருவி, பாலருவி, புலியருவி, பழத்தோட்ட அருவி, செண்பகதேவியருவி, பழையகுற்றால அருவி மற்றும் தேனருவி. இந்த அருவிகளில் இருந்து கிளம்பும் சாரல் வெகு தொலைவு வரை தென்படும்.] 3376. அதிகளவு குளங்கள் உடைய தமிழக மாவட்டம்?     இராமநாதபுரம்  3377. கேள்விக்குறி முதன்முதலில் எந்த மொழியில் பயன்படுத்தப்பட்டது?      இலத்தீன்  3378. மதுவிலக்கை வலியுறுத்தி இராஜாஜி நடத்திய இதழின் பெயர்?      விமோசனம்  3379. தேசிய வாழை ஆராய்ச்சி மையம் எங்குள்ளது?   ...

Once upon a time, there stood a Arjun arboreal - முன்பொரு காலத்தில், ஒரு மருதமரம் (Arjun Arboreal) இருந்தது. In the canopy of the Arjun tree, there resided a hollow - மருதமரத்தின் மேற்பகுதியில் (In the canopy), ஒரு பொந்து (Hollow) இருந்தது. A young shepherd lad witnessed a ring-necked parakeet soaring forth from within that hollow - ஓர் இளம் இடப்பையன், ஒரு மருதங்கிளி அந்த பொந்தினுள்ளிருந்து பறந்து செல்வதை (Soaring Forth) கவனித்தான். He resolved to ascend and take the fledgling parakeet offspring in the hallow home with him - அவன், மரம் ஏறி (Ascend) மரப்பொந்திலுள்ள கிளிப்பிள்ளையை தன்னோடு வீட்டிற்கு எடுத்துசெல்ல தீர்மானித்தான். He ascended and inserted his hand into the aperture - அவன் மரத்திலேறி, தன் கையை பொந்தினுள் (Aperture) நுழைத்தான்.  He felt a sharp nip - அவன் ஒரு கூறான கடியை (Sharp Nip) உணர்ந்தான்.  He surmised that the parrot fledgling was the source of the bite - அவன் தன்னை கடித்தது (Source of The Bite) கிளிப்பிள்ளை (The Parrot Fledgling) என நினைத்துக் கொண்டான் (Surm...

குறள் : 121 அடக்கம் அமரருள் உய்க்கும் அடங்காமை ஆரிருள் உய்த்து விடும். விளக்கம் : அடக்கம் என்பது பெரும் நற்குணம். அடக்கம் உடையவர்கள், வசீகரமானவர்கள். பலரும் அத்தகையோரின் சொல்லுக்கு செவிமடுப்பர். பலரும் அத்தகையோரை பின்பற்றுவர். அடக்கமுடையவர்கள், அடங்காதவரையும் அடக்கும் சொல்லின் செல்வர்கள். அவர்தம் சொல்லிலும் அடக்கம் தோய்ந்திருக்கும். உளவியற்படி, அடங்காமல் பலமணித்துளிகள் நம்மை வன்சொற்களால் தாக்குபவரை, சற்றே அமைதிகொண்டு அடக்கமாக கேட்கப்படும், “முடிச்சிட்டீங்களா?” என்ற ஒரு கேள்வியே, மனங்கனிய வைக்கும். அடங்குதல் என்பது ஒரு மறுமைகுறித்த பதமும் தான்! ஓக அடக்கத்தில் உயர்வாழ்வு பெற்றோரை, “அடங்கியவிட்டார்” என்பார்கள். தமிழர் இறையாண்மையிலுள்ள பல ஆன்றோர்களும், தெய்வங்களும் இவ்வண்ணம் அடங்கியவர்கள்! அவ்வாறு அடங்கத் தவறி இறந்தோரை, “தவறிவிட்டார்” என்பர். அதாவது, அமரத்தன்மை அடையாமல் அடக்கம் தவறிவிட்டார் என்பர். தமிழர் ஆன்மயியல்படி, ஓகத்தில் அடங்குபவரும் வீரதீர மரணங்கண்டோரும், பெருவாழ்வடைவர். மற்றவர், மண்மயமாவர்!!! குறள் : 122 காக்க பொருளா அடக்கத்தை ஆக்கம் அதனினூஉங் கில்லை உயிர்க்கு. விளக்கம் : எவ்வளவுத...

குறள் : 111 தகுதி எனவொன்று நன்றே பகுதியால் பாற்பட்டு ஒழுகப் பெறின். விளக்கம் : வகைகள் இல்லாமல் எதுவுமில்லை. சில வகைகள் நிறங்களால் ஏற்படுத்தப்பட்டவை. சில வகைகள் குணங்களால் ஏற்படுத்தப்பட்டவை. இயற்கையே பல வகைகளை பிரிக்கிறது. தொழில்களாலும் வகைகள் ஏற்பட்டன. சில வகைகளோ, இறைவனின் பெயரால் பிரித்தாளுகைக்காக ஏற்படுத்தப்பட்டவை. இந்த வகைகளையெல்லாம் அறிந்து, யாதொன்றிடமும் ஓரங்கள் காட்டாமல் இருத்தல் வேண்டும். யாவரும் எம்மவரே என்று நடத்தல் வேண்டும். “உள்ளவனுக்கு ஒன்று” என ஓரங்கள் பார்த்தல் கூடாது. எளியோரைக்கண்டு இகழுதலும், வலியோரைக்கண்டு மகிழுதலும் கூடாது. “மதிப்பொக்கும் எல்லாவுயிர்க்கும்!” என எல்லோரிடமும் சமரசமாக வாழுவதே, நடுவுநிலைமை. குறள் : 112 செப்பம் உடையவன் ஆக்கஞ் சிதைவின்றி எச்சத்திற் கேமாப்பு உடைத்து. விளக்கம் : நடுவுநிலைமை உடையவர்தம் செல்வம் என்றும் அழிவதில்லை. ஒரு சிறிய உதாரணத்தை காண்போம். இந்தியநாடு, அணிசேரா கொள்கைகளை பின்பற்றுகிறது. இந்தியா போன்ற நடுநிலைநாடுகள் செழிக்கும் என பிரிட்ஜ்வாட்டர் நிறுவனர் ரே-டாலியோ முதலானவர்கள் கருத்து பகிர்கின்றனர். உண்மைதான்… போர்கள் ஏற்படுத்தும் “ஆயுதசெலவுகள...

குறள் : 101 செய்யாமல் செய்த உதவிக்கு வையகமும் வானகமும் ஆற்றல் அரிது. விளக்கம் : உதவி என்பது உண்மையில், எந்த பதில் பயன்களையும் எதிர்பாராமல் செய்யப்படுவதுதான். ஒருத்தருக்கு ஒருத்தர் பயன் எதிர்பாராமல் உதவி வாழுவதே மனிதத்தன்மை. இக்காலத்தில், மனிதனிடம் இருந்த ஈசத்தன்மை மறைந்து நீசத்தன்மை மிகுந்திருப்பதனால், தன்னலம் என்ற ஒரு நீசத்தனமும் மிகுந்திருக்கிறது. அவ்வாறு இருக்க, ஒருவர் எந்த ஒரு நன்மையும் நம்மால் இதுவரை பெறாமலிருந்தும், எவ்வித தன்னலமுமின்றி உதவுகிறார் எனில் அவரது குணம் சாயுச்சியமான பெருமைக்குரியது. புண்ணியம் கிடைக்கும் என்ற தன்னலத்தில் சிலர் உதவுவதுண்டு. இவற்றையெலாம் கடந்து நிற்கும், செய்யாமல் செய்யும் உதவிக்கு கைமாறாக மண்ணக விண்ணகத்தில் எதைதான் அளித்திடமுடியும்!?  குறள் : 102 காலத்தி னாற்செய்த நன்றி சிறிதெனினும் ஞாலத்தின் மாணப் பெரிது. விளக்கம் : சிலரது இருப்பினை நாம் பெரிதாக பொருட்படுத்துவதில்லை… காலமே, அவர்களை நம் மனதிற்கு நெருக்கமாக்குகிறது. சிலர் இதயத்திற்கே நெருக்கமாகிவிடுவதுமுண்டு. அவர்கள், நெருக்கடியான காலத்தில் உதவுபவர்கள். “காலத்தினாற் செய்த நன்றி சிறிதெனினும்” எனும் போ...

குறள் : 91 இன்சொலால் ஈரம் அளைஇப் படிறுஇலவாம் செம்பொருள் கண்டார்வாய்ச் சொல். விளக்கம் : செம்பொருள் எனும் அறவழியை அறிந்துணர்ந்து புரிந்தொழுகும் சான்றவர்களின் நாவில் பிறக்கும் சொற்கள் மட்டுமே, அன்பில் தோய்ந்தவையாகவும், எத்தகைய உள்ளர்த்தமும் பெறாத மனவெளிப்பாடாய் இருக்கும்! படிறு என்பது கள்ளம் என பொருள்படும்! படிறுபொருந்திய பொய்யர்களின் வாய்தோன்றும் வார்த்தை, வன்சொல்லாகவோ அல்லது இன்சொல்லாய் தென்படும் வன்சொல்லாகவோ மட்டுமே இருக்கும்! “பொய்யரோடு அன்பு பொருந்தாதே! மெய்யரோடு அன்பு மேவியிரு என் மகனே!” என்பது வல்லாத்தான், அய்யா வைகுண்டர் வாக்கு. செம்பொருள் கண்டோரின் வார்த்தைகள், மழை கண்ட மலரைபோல இதமானவை!  குறள் : 92 அகன்அமர்ந்து ஈதலின் நன்றே முகனமர்ந்து இன்சொலன் ஆகப் பெறின். விளக்கம் : மன சம்மதத்துடன் ஒருவருக்கு ஈதலைக்காட்டிலும், முகம் சிரித்து வாய்மொழியும் இனியசொல்லானது, மிக நன்று. சிலரிடம் ஈவதற்கு பொருள் இருப்பதில்லை. ஆயினும், தான் ஒன்றை பிறருக்கு தரவேண்டுமே என எண்ணும்போது, முகமலர்ச்சியுடன் நற்சொற்களை ஈயலாம். அத்தகையைவர்கள், உண்மையில் மிக நல்லவர்கள். உடைந்திருக்கும் மனத்திற்கு, நல்ல ஆறுதல் ம...

குறள் : 81 இருந்தோம்பி இல்வாழ்வ தெல்லாம் விருந்தோம்பி வேளாண்மை செய்தற் பொருட்டு. விளக்கம் : உயிருடன் இருந்து நல்வழியில் பொருள்சேர்த்து வாழ்வதெல்லாம், விருந்தினரை பண்பாய் உபசரித்து, உதவிபுரிந்து அவர்தம் மனத்தில் நிறைவிடம் பெறுவதற்கேயாம்… சுற்றம்போற்ற வாழுதல் மேலானதாம். விருந்தினர் தன் வீட்டிற்கு வந்திருந்தால், இறைவனே வந்துள்ளதாக கருதி, மலர்முகத்தோடு நன்கு வரவேற்பது தமிழர் மரபு. உழைத்து உயிருடன் நிலைத்திருக்கும் வாழ்வில், விருந்தினர் உபசாரத்திற்கு பெரும் இடத்தை தமிழர் ஒதுக்கியது கண்கூடு. அக்கால விருந்தினர் உபசார சாரம், இக்காலத்தில்தான் உண்டா என்ன!?  குறள் : 82 விருந்து புறத்ததாத் தானுண்டல் சாவா மருந்தெனினும் வேண்டற்பாற் றன்று. விளக்கம் : விருந்தினரை வீட்டுக்கு வெளியே அமரவைத்துவிட்டு, தாம் மட்டும் வீட்டினுள் இருந்து உண்ணும் உணவானது, சாவையே தள்ளிப்போடும் அருமருந்து அல்லது அமுதமே ஆகினும், அது விரும்பத்தக்கது அன்று! விருந்தினரை வெளியே காக்கவைத்தலையும் எந்த தமிழரும் விரும்புவதில்லை! ஓலைக்குடிசையில் வாழ்க்கையென்றாலும், உண்ணும் உணவு கஞ்சியேயென்றாலும், விருந்தினர் வரவு எனில் விரைந்து வரவேற்க...

குறள் : 71 அன்பிற்கும் உண்டோ அடைக்குந்தாழ் ஆர்வலர் புன்கணீர் பூசல் தரும். விளக்கம் : அன்பை அடைத்துவைக்க தாழ் போல ஏதும் உண்டா என்ன!? யார் மீது நாம் அன்பு செலுத்துகிறோமோ, அவர்கள் துன்பப்படுகையில் நம் கண்ணிலிருந்து வரும் சிறு கண்ணீரே, நம்முள் இருக்கும் அன்பை வெளிப்படுத்திவிடும். கனத்த இதயத்தையும் அன்பு மாற்றிடும். கல் போன்ற இதயத்தையும், அன்பு கரைத்திடும். சக உயிர்களின் மீது அன்புசெய்தும், சக உயிர்களினால் அன்பு செய்யப்பட்டும் வாழ்ந்தால், உலகம் நம் குடும்பமாகும். துன்பவாசலை அடைத்து, இன்பவாசலை அன்பு திறக்கும். அன்பைதான் அடைத்திடமுடியுமோ….!? கண் ததும்பி வெதும்பியாவது அது வெளிப்பட்டுவிடும்!  குறள் : 72 அன்பிலார் எல்லாம் தமக்குரியர் அன்புடையார் என்பும் உரியர் பிறர்க்கு. விளக்கம் : அன்பு இல்லாதவர்கள், எல்லாம் தமக்குரியது என பொருட்சேர்ப்பில் முனைப்பாக இருப்பர். தன்னை சார்ந்தவர்களின் மனவோட்டத்தை அவர்கள் சற்றும் கருதார்! அன்புடையவர்களோ, தம்முடையவற்றை தம்மை சார்ந்தவர்களுக்கும் சேர்ந்தவர்களுக்கும் அளித்து மகிழ்வர். அதில் கிட்டும் மன நிறைவை மட்டுமே அவர்கள் எதிர்பார்ப்பர். “சேர்த்த நற்பேறன்றி எது ம...

குறள் : 61 பெறுமவற்றுள் யாமறிவது இல்லை அறிவறிந்த மக்கட்பேறு அல்ல பிற. விளக்கம் : பெறத்தகுந்த பேறுகளுள் ஒன்று மக்கட்பேறு. அவ்வாறு கிட்டும் பிள்ளை செல்வமானது, அறியவேண்டியவற்றை அறியும் வண்ணம் இருத்தல் வேண்டும். அதாவது, அவ்வாறு வளர்க்கப்படவேண்டும். “வெள்ளரிக்கா தோட்டத்துல விளையாட பிள்ளை இல்லை; அரிசி பிணைகையிலே கையேந்த பிள்ளை இல்லை”, என பிள்ளை செல்வத்திற்காக அருந்தவம் நிற்பவர்கள், சம்பத்துக்கேற்றபடி அச்செல்வம் பெற்றபின்னர் சேனையூட்டி சீராட்டி செல்லங்கொஞ்சி, அறிவூட்ட மறந்துவிடுகிறார்கள். அறியவேண்டியவற்றை அறியவேண்டிய வயதில் அறிந்து, அறிவு செறிந்து நிற்கும் பிள்ளைசெல்வம் என்பது, பெறத்தகுந்த பேறுகளுள் சாலச் சிறந்தது. அதை விடுத்து, மற்ற பேறுகள், இல்லறத்தில் உளவா என்ன!?  குறள் : 62 எழுபிறப்பும் தீயவை தீண்டா பழிபிறங்காப் பண்புடை மக்கட் பெறின். விளக்கம் : பழிக்கு இடங்கொடாத நற்பண்புகளையுடைய மக்கட்பேறு கிடைக்கப்பெற்றால், எந்நேரத்திலும் எவ்வாறு பிறப்பினும் தீயவை தீண்டுவதேயில்லை. இங்கு, உள்ளார்ந்து நாமே பொருத்தி பொருள் கொள்ளவேண்டியதுதான்! நற்பண்புகளையுடைய மக்கட்பேறு இயற்கையாகவே கிடைப்பதில்லை. கிடைத...

குறள் : 51 மனைக்தக்க மாண்புடையள் ஆகித்தற் கொண்டான் வளத்தக்காள் வாழ்க்கைத் துணை. விளக்கம் : மனைக்கேற்ற மாண்புடையவளாகி, தன் கணவன் கொண்டிருக்கும் செல்வ வளத்திற்கு ஏற்ப குடும்பம் நடத்துபவளே, மனைவி ஆவாள்! மனைக்கேற்ற மாண்பு எனும்போது, பிறந்தவீடு விட்டு புகுந்தவீட்டின் மாண்புகளை, அதாவது தனிக்குணங்களை அறிந்தணுகியொழுகும் குணம் என அறிகிறோம். புகுந்த புதுவீட்டின் பழக்க மாண்புகளை தானறிந்து நடத்தல் வேண்டும்! தன் இல்லத்தானின் வருவாய் நிலையறிந்து அதற்கேற்றார்போல் குடும்பம் நடத்திடலும் வேண்டும்! அத்தகையவளே மனைத்தலைவியாம் மனைவி ஆவாள்.  குறள் : 52 மனைமாட்சி இல்லாள்கண் இல்லாயின் வாழ்க்கை எனைமாட்சித் தாயினும் இல். விளக்கம் : இல்வாழ்க்கைக்கு ஏற்ற குணம், மனைவியிடம் இருத்தல் வேண்டும்! அவ்வாறு இல்லாமற்போனால், மனைத்தலைவன் எவ்வளவு சிறப்பு பெற்றிருந்தாலும் எப்பயனும் எய்துவதில்லை. மனைவியின் குணம், மனைநிலையறிந்து, அதற்கேற்ற அறம்புரிந்து, அன்பால் தாங்கிநிற்கும் வண்ணம் இருத்தல் வேண்டும். இவையெல்லாம் இல்லாமல் ஓர் இல்லாள் உள்ளாள் எனில், தலைவனுக்கு எப்பயனும் கிட்டாது! இவையாவும் பொருந்தப்பெற்றவளாய் உள்ளாளெனில், ஏழைய...

  குறள் : 41 இல்வாழ்வான் என்பான் இயல்புடைய மூவர்க்கும் நல்லாற்றின் நின்ற துணை. விளக்கம் : இல்லறத்திலிருப்பது என்பது, மனைவி, குழந்தை(கள்) மற்றும் பெற்றோருக்கு நல்ல வழியில் துணைநின்று உதவும் அறமாகும். இல்லறம் என்பது, இல்லத்தின் அறம். பொதுவாக இல்லறம் என்றதும், அது திருமணவாழ்வு என பொருள் தெளிவதுண்டு. அதுவோ, இல்லத்தவர்களாகிய, மனைவி, குழந்தைகள் மற்றும் பெற்றோரை பேணுவதாகும். மூவர்க்கும் நல்வழியில் துணைநிற்பதே இல்லறம் ஆகும்.  குறள் : 42 துறந்தார்க்கும் துவ்வாதவர்க்கும் இறந்தார்க்கும் இல்வாழ்வான் என்பான் துணை. விளக்கம் : யாவும் துறந்தவர்தமக்கும், வறுமையில் வாடிநிற்பவர்களுக்கும், முன்னோர்களுக்கும் இல்வாழ்க்கையில் வாழ்பவரே துணையாவர். துறவிகளுக்கு இல்வாழ்க்கையில் இருப்பவர்கள் துணையாக திகழவேண்டும் எனும்போது, இல்வாழ்க்கையிலுள்ளோர் துறவறத்திற்கு துணைபோகவேண்டும் எனுமாறு பொருள் முன்பின் முறனாக வர காண்கிறோம். என் பார்வையில், “இல்லறமே ஒரு தவம்”. அந்த தவ வாழ்க்கை, போற்றி ஆதரிக்கப்படவேண்டியது. வறுமையில் வாடியவர்களின் முகம் வாடுகையில், இல்லறத்தோன் மனத்தில், தன் இல்லத்தார்தம் முகங்கள் வரவேண்டும். வா...